22 گولز، ایمباپے نے لیونل میسی کا ورلڈ کپ کیریئر ریکارڈ توڑ دیا

فرانس کے فٹ بالر کیلیان ایمباپے نہ صرف فیفا ورلڈ کپ کے دوران سب سے زیادہ گول کرنے والے کھلاڑی بن گئے ہیں بلکہ وہ لیونل میسی سے آگے بھی نکل گئے ہیں۔

امریکی خبر رساں ادارے اے پی کے مطابق انہوں نے سنیچر کو انگلینڈ کے خلاف میچ میں دو گول کر کے یہ اعزاز حاصل کیا جس کے بعد ورلڈ کپ میں ان کے گولز کی مجموعی تعداد 22 ہو گئی ہے۔

کیلیان ایمباپے نے اس ورلڈ کپ کے دوران 10 گول کیے ہیں جبکہ لیونل میسی کے آٹھ ہیں، یوں وہ گولڈن بوٹ کی ریس میں ان سے آگے نکل گئے ہیں جو ٹورنامنٹ کے آخر میں سب سے زیادہ گول کرنے والے کو ملتا ہے۔

کیلیان ایمباپے نے میچ کے 48 ویں منٹ میں اس وقت گول کیا جب ان کی ٹیم انگلینڈ کے چار گولوں کے جواب میں صفر سکور رکھتی تھی۔

اس کے بعد 66 ویں منٹ میں ایمباپے نے قریباً 14 گز کے فاصلے سے ایک شاندار کک لگا کر دوسرا گول کیا اور یوں وہ لیونل میسی کے اس ورلڈ کپ کیریئر ریکارڈ سے آگے نکل گئے جو کہ 21 گولوں پر مشتمل ہے۔

ان دو گولز کے بعد فرانس کی ٹیم نے ایک اور گول کرتے ہوئے مقابلے کو تین چار تک پہنچایا تاہم اس کے باوجود بھی وہ میچ نہ جیت سکی اور فائنل تک پہنچنے میں ناکام رہی کیونکہ اس سے قبل وہ سیمی فائنل میں سپین سے شکست کھا چکی تھی۔

ایمباپے نے چار سال قبل قطر میں ہونے والے ورلڈ کپ کے مقوقع پر آٹھ گول کر کے گولڈن بوٹ اپنے نام کیا تھا، تاہم اس ٹورنامنٹ کے فائنل میں فرانس کو ارجنٹینا کی اس ٹیم سے پنالٹی شوٹ میں شکست کا سامنا کرنا پڑا تھا جس کی قیادت لیونل میسی کر رہے تھے۔

ایمباپے سنیچر کو ہونے والے اس میچ کا شروع سے ہی حصہ تھے جو ان کو دوسری بار بھی گولڈن بوٹ جیتنے کا موقع دلا سکتا ہے۔

روئٹرز نے جیتنے والی انگلینڈ ٹیم کے میچ کے حوالے سے کہا ہے کہ یہ سنہ 1966 میں ورلڈ کپ جیتنے کے بعد یہ انگلینڈ کی اب تک کی بہترین کارکردگی تھی۔

میامی میں کھیلے گئے اس اعصاب شکن میچ میں دونوں ٹیموں کی جانب سے جارحانہ کھیل کا مظاہرہ کیا گیا جہاں دفاعی لائنز بالکل بے بس نظر آئیں۔

یہ میچ ایک سنسنی خیز اور تاریخی مقابلے کے بعد انگلینڈ نے چھ، چار کے سکور سے فرانس کو شکست دے دی تھی اور ٹورنامنٹ میں تیسری پوزیشن حاصل کر لی تھی۔