پاکستان اور سعودی عرب کے درمیان سائبر سکیورٹی میں تعاون کا معاہدہ
معاہدے میں سائبر سکیورٹی کے حوالے سے کئی شعبوں کو کور کیا گیا ( فوٹو: ایس پی اے)
سعودی نیشنل سائبرسکیورٹی اتھارٹی نے پاکستان کی وزارت انفارمیشن ٹیکنالوجی اینڈ کمیونیکیشن کے ساتھ سائبر سکیورٹی میں تعاون کو مضبوط بنانے کے لیے مفاہمتی یادداشت پر دستخط کیے ہیں۔
ایس پی اے کے مطابق نیشنل سائبر سکیورٹی اتھارٹی کے گورنر انجینیئر ماجد بن محمد المزید اور پاکستانی وزیر مملکت برائے انفارمیشن ٹیکنالوجی شزا فاطمہ خواجہ نے معاہدے پر دستخط کیے۔
اس معاہدے کا مقصد ابھرتے ہوئے سائبر خطرات سے نمنٹے کے لیے مہارت اور بہترین طریقوں کے تبادلے میں سہولت کے ذریعے سائبر سپیس اور دونوں ملکوں کے اہم مفادات کا تحفظ کرنا ہے۔
یہ اقدام سعودی عرب کی جانب سے سائبر سکیورٹی کے شعبے میں عالمی پوزیشن مضبوط کرنے اور بین الاقوامی شراکت داری کے لیے میکنانزم کے قیام کی کوششوں کا حصہ ہے۔
علاوہ ازیں پاکستانی وزیر شزا خواجہ فاطمہ نے لیپ 2026 کانفرنس کے موقع پر ریاض میں سعودی وزیر کمیونیکیشن اینڈ انفارمیشن ٹیکنالوجی عبداللہ السواحہ سے ملاقات کی۔
ایکس اکاؤنٹ پر پوسٹ کے مطابق ملاقات میں باہمی تعاون کے نئے مواقع اور شعبوں پر توجہ مرکوز کی گئی۔
ہیومن کے سی ای او طارق امین کے ساتھ ملاقات میں اے آئی، کلاؤنڈ اینڈ کمپیوٹ، ڈیٹا سینٹرز، سکلز اور انویسٹمنٹ میں پاک، سعودی شراکت داری کو عملی منصوبوں میں تبدیل کرنے پر تبادلہ خیال کیا گیا۔
سعودی عرب میں دنیا کے سب سے بڑے ٹیک ایونٹ ’لیپ 2026‘ کا آغازNode ID: 908017
