شدید بارشوں سے پاکستان کے کن علاقوں میں سیلابی صورت حال پیدا ہونے کا خدشہ ہے؟

پاکستان کے محکمہ موسمیات نے موسلادھار بارشوں کے باعث مری، گلیات، مانسہرہ، کوہستان، ایبٹ آباد، بونیر، چترال، دیر، سوات، شانگلہ نوشہرہ، صوابی اور مردان کے برساتی ندی نالوں میں طغیانی کا خدشہ ہے۔
اسی طرح اسلام آباد، راولپنڈی، ڈی جی خان، شمال مشرقی پنجاب، بلوچستان اور پاکستان کے زیرِانتظام کشمیر کے برساتی ندی نالوں میں طغیانی کا خدشہ ظاہر کیا گیا ہے۔

شدید بارشوں کے باعث خیبر پختونخوا، مری، گلیات، پاکستان کے زیرِانتظام کشمیر اور گلگت بلتستان میں لینڈسلائیڈنگ کے باعث ٹریفک کی آمدورفت متاثر ہونے کا خطرہ ہے۔
شدید بارشوں کے باعث اسلام آباد، راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علاقے زیرِ آب آنے کا اندیشہ ہے۔ حکام کی جانب سے عوام الناس کو احتیاط برتنے کی ہدایت کی گئی ہے۔
محکمہ موسمیات کی جانب سے بتایا گیا ہے کہ سنیچر کو ملک کے بیشتر علاقوں میں موسم گرم اور مرطوب رہنے کا امکان ہے۔ 
تاہم شمال مشرقی اور جنو بی پنجاب، شمال مشرقی بلوچستان، پاکستان کے زیرِانتظام کشمیر، بالائی خیبر پختونخوا اور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ہے۔
اتوار کو ملک کے بیشتر علاقوں میں موسم گرم اور مرطوب رہنے کا امکان ہے، تاہم دوپہر کے بعد چند مقامات پر تیز ہواؤں، آندھی اور گرج چمک کے ساتھ بارش کی توقع ہے۔
جن علاقوں میں تیز ہواؤں، آندھی اور گرج چمک کے ساتھ بارش کی توقع کی جا رہی ہے ان میں خیبر پختونخوا، شمال مشرقی بلوچستان، پاکستان کے زیرِانتظام کشمیر، اسلام آباد، پنجاب اور گلگت بلتستان شامل ہیں۔
اس دوران خیبر پختونخوا، پاکستان کے زیرِانتظام کشمیر ،شمال مشرقی پنجاب اور خطہ پوٹھوہار میں چند مقامات پر موسلادھار بارش کی توقع ہے۔
گذشتہ 24 گھنٹوں کے دوران جنوبی اور وسطی پنجاب، خیبر پختونخوا، شمال مشرقی اور جنوبی بلوچستان، جنوب مشرقی سندھ، پاکستان کے زیرِانتظام کشمیر اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔

اس دوران چند مقامات پر موسلادھار بارش بھی ہوئی جبکہ ملک کے دیگر علاقوں میں موسم گرم اور مرطوب رہا۔
گذشتہ 24 گھنٹوں کے دوران سب سے زیادہ بارش کہاں ہوئی؟ 
گذشتہ 24 گھنٹوں کے دوران پنجاب کے ضلع رحیم یار خان میں 47 ملی میٹر، ملتان ایئرپورٹ 28، ملتان سٹی 27 ملی میٹر، خان پور 20 جبکہ بہاول پور ایئرپورٹ پر 17 ملی میٹر بارش ریکارڈ کی گئی۔ 
اسی طرح بہاول نگر 16، نورپور تھل 15، جوہرآباد اور بہاولپور سٹی 12، ڈی جی خان 10، لیہ 06، خانیوال 5، بھکر 3، کوٹ ادو میں 1 ملی میٹر بارش ریکارڈ ہوئی۔
گذشتہ 24 گھنٹوں کے دوران بلوچستان میں سبی 32، خضدار 11، بارکھان 2، اورماڑہ 1، پاڑاچنار 22، ڈی آئی خان سٹی 15، ڈی آئی خان ایئرپورٹ 10، لوئر دیر 2 جبکہ گڑھی دوپٹہ میں 10 ملی میٹر بارش ریکارڈ کی گئی۔ 
گذشتہ 24 گھنٹوں کے دوران گلگت بلتستان میں بونجی کے مقام پر 03، استور 2، سکردو میں 1 جبکہ سندھ کے ضلع مِٹھی میں 3 جبکہ چھور میں 2 ملی میٹر بارش ریکارڈ کی گئی۔
سنیچر کو ریکارڈ کئے گئے زیادہ سے زیادہ درجہ حرارت 
سندھ میں سنیچر کو دالبندین میں درجہ حرارت 44 ڈگری سینٹی گریڈ، نوکنڈی میں 43 جبکہ خیرپور میں 42 ڈگری سینٹی گریڈ ریکارڈ کیا گیا۔
سنیچر کی رات کو اسلام آباد اور گردونواح میں موسم مرطوب جبکہ مطلع جزوی ابرآلود رہنے کے علاوہ چند مقامات پر بارش ہو سکتی ہے۔
اتوار کو اسلام آباد اور گردونواح میں موسم گرم اور مرطوب رہے گا، تاہم شام یا رات کو مطلع ابرآلود رہنے کے علاوہ تیز ہواؤں کے ساتھ آندھی اور گرج چمک کے ساتھ بارش اور چند مقامات پر موسلادھار بارش کا امکان ہے۔