مکہ اور مدینہ کے پرانے راستے پر واقع، الروحا کا تاریخی مقام
’یہ وہ خطہ جس سے انبیاء، علما، صلحا اور حجاج گزرے ہیں‘ ( فوٹو: سبق)
مکہ مکرمہ اور مدینہ منورہ کے قدیم راستے پر تاریخ کی گہرائیوں ڈوبا الروحا کا مقام واقع ہے۔
یہ وہ خطہ جس سے انبیاء، علما، صلحا اور حجاج گزرے ہیں اور جو آج بھی ان کے سفر اور نقوش کا زندہ و جاوید گواہ ہے۔
نبی اکرمﷺ نے بھی اپنی متعدد غزوات میں یہی راستہ اختیار فرمایا جس سے الروحا کو سیرتِ نبوی کا ایک نمایاں مقام حاصل ہوا ہے۔
ایک ایسی جگہ جو یادِ نبوی کی خوشبو سے معطر ہے جہاں جغرافیہ، رسالت سے جڑتا ہے اور حجاز کی سرزمین پر نبوت کی چھاپ واضح طور پر دکھائی دیتی ہے۔
الروحا قدیم قافلوں کے اہم پڑاؤ میں سے ایک تھا جس نے اسے خصوصی دینی و تاریخی وقار عطا کیا۔
یہاں آثارِ نبوت، علما کے سفر اور حجاج کی منازل ایک ہی فضا میں یکجا ہوتے ہیں۔
آج الروحا سیرتِ نبوی کے متلاشیوں اور تاریخ کے شائقین کے لیے ایک خاص مقام کی حیثیت رکھتا ہے۔
سعودی وزارتِ حج و عمرہ اس کے کردار کو ’طریق الانبیاء‘ کے سفرنامہ میں نمایاں کرنے کے لیے کوشاں ہے تاکہ زائرین کے دل میں سیرتِ رسولﷺ اور اس کے تاریخی مقامات کے ساتھ روحانی اور جذباتی تعلق مضبوط تر ہوسکے۔
تیما میں غرمول پہاڑ، مسجد اور مینار سے مشابہ دلکش ارضیاتی شاہکارNode ID: 896353
