1.6 ارب انڈین روپے مالیت کی دولت کے مالک ہونے کے باوجود امیتابھ بچن چھٹی کیوں نہیں کرتے؟

بالی ووڈ کے لیجنڈری اداکار امیتابھ بچن، جنہیں دنیا بھر میں ’بگ بی‘ کے نام سے جانا جاتا ہے آج بھی اپنی بے مثال محنت اور لگن کی وجہ سے خبروں میں رہتے ہیں۔

چھ دہائیوں پر محیط کیریئر میں دو سو سے زائد فلموں میں کام کرنے والے امیتابھ بچن کے بارے میں حالیہ دنوں ایک دلچسپ انکشاف سامنے آیا ہے۔

’بالی وُڈ لائف‘ کے مطابق امیتابھ بچن کی مجموعی دولت تقریباً 1.6 ارب انڈین روپے ہے، لیکن اس کے باوجود وہ آرام کرنے کے قائل نہیں۔

رپورٹ کے مطابق اگر کوئی دن بغیر کسی کام یا منصوبے کے گزر جائے تو امیتابھ بچن عجیب سا محسوس ہوتا ہے۔ ان کے مطابق کام نہ کرنا انہیں بے چین کر دیتا ہے اور دن ادھورا لگتا ہے۔

روزمرہ روٹین کی اہمیت

امیتابھ بچن نے بتایا کہ ان کی روزمرہ زندگی ایک مضبوط روٹین پر قائم ہے، جو برسوں کی عادت اور نظم و ضبط کا نتیجہ ہے۔

جب یہ ترتیب ٹوٹتی ہے تو انہیں اندرونی بے توازن محسوس ہوتا ہے۔ بغیر پلان کے دن غیر یقینی لگتا ہے اور عام کام بھی بکھرے ہوئے محسوس ہوتے ہیں۔

انہوں نے کہا کہ ’ایک سست، بغیر کسی وجہ کے، ایسا لگتا ہے کہ روزانہ کام نہ کرنا پریشان کن ہے۔ جب آپ اپنے طے شدہ شیڈول کے مطابق کام نہیں کرتے تو دن ایک معمہ بن جاتا ہے، جبکہ عام حالات میں سب کچھ ترتیب سے چل رہا ہوتا ہے۔‘

بے ترتیبی سے ذہنی دباؤ

بگ بی کے مطابق جب معاملات منصوبے کے مطابق نہ چلیں تو غیر ضروری ذہنی دباؤ پیدا ہو سکتا ہے۔

کچھ لوگوں کے لیے سست دن سکون کا باعث بنتے ہیں، لیکن ان کے لیے یہ کیفیت بے چینی اور اضطراب پیدا کرتی ہے۔ اسی لیے وہ سمجھتے ہیں کہ ذہنی اور جسمانی صحت کے لیے ایک منظم روٹین بہت ضروری ہے۔

پیشہ ورانہ مصروفیات

کام کے محاذ پر امیتابھ بچن حال ہی میں مشہور شو کون بنے گا کروڑ پتی کے سیزن 17 مکمل کر چکے ہیں، جہاں انہوں نے فینز کا شکریہ ادا کیا اور شو کے ساتھ اپنی گہری وابستگی کا اظہار کیا۔ اس کے علاوہ وہ فلم ’کَلکی 2898 اے ڈی‘ میں بھی نظر آئے، جسے شائقین نے خوب پسند کیا اور فلم نے دنیا بھر میں ایک ہزار کروڑ انڈین روپے سے زائد کمائی کی۔

اب وہ اس فلم کے سیکوئل کی شوٹنگ میں مصروف ہیں، جو اس بات کا ثبوت ہے کہ بڑھتی عمر کے باوجود ان کا کام سے شوق اور جذبہ آج بھی برقرار ہے۔