اسلام آباد...سپریم کورٹ نے نوازشریف کی نیب ریفرنسز کے خلاف درخواست اعتراضات لگا کر مسترد کردی ۔نوازشریف نے نیب ریفرنسز کے خلاف درخواست میں موقف اختیار کیا گیا تھا کہ نیب نے احتساب عدالت میں 3 ریفرنسز دائر کئے۔ نیب سیکشن 9 کی ذیلی شق 5 کے تحت اثاثے جتنے بھی ہوں ریفرنس ایک ہی دائر ہوتا ہے۔ نیب قانون کے تحت اثاثے جتنے ہوں جرم بھی ایک ہی تصور ہوتا ہے۔سپریم کورٹ نیب کی جانب سے دائر 3 ریفرنسز کو ایک ریفرنس میں تبدیل کرنے کا حکم دے۔سپریم کورٹ نے درخواست اعتراضات لگا کر واپس کردی ۔اعتراضات میں کہا گیا کہ درخواست گزار اپنی داد رسی کے لئے فورم کا استعمال کرچکا ۔ درخواست کے ساتھ مطلوبہ سرٹیفکیٹ بھی منسلک نہیں کیا گیا۔ سپریم کورٹ کے حتمی فیصلے کے خلاف آئینی درخواست دائر نہیں کی جاسکتی۔
