غزہ سٹی۔۔۔۔ فلسطین کے علاقے غزہ کی بین الاقوامی گزرگاہ رفح غیرمعینہ مدت کے لیے دو طرفہ آمد ورفت کے لیے بند کردی گئی ۔مرکزاطلاعات فلسطین کے مطابق غزہ میں گزرگاہ کی انتظامیہ کا کہنا ہے کہ مصری حکام نے بتایا ہے کہ رفاہ گزرگاہ کو غیرمعینہ مدت کے لیے بند کیا جا رہا ہے تاہم اس کی مزید تفصیل سامنے نہیں آئی۔گزر گاہ رواں سال کے دوران 114 دن بند اور 71 دن کھلی رہی۔ یہ گزرگاہ غزہ کی پٹی کی بین الاقوامی دنیا سے رابطے کا واحد راستہ ہے ،تاہم 2013ء میں مصر میں فوجی حکومت کے قیام کے بعد یہ گزرگاہ زیادہ تر بند رہتی ہے۔
