پاکستان عالمی اور علاقائی استحکام اور امن کے حصول کے لیے ثالث کا کردار ادا کرتا رہے گا: شہباز شریف کی ایرانی وفد سے گفتگو

وزیراعظم شہباز شریف سے ایرانی پارلیمنٹ کے سپیکر محمد باقر قالیباف کی قیادت میں وفد نے اسلام آباد میں ملاقات کی۔

ملاقات میں نائب وزیراعظم اسحاق ڈار، چیف آف ڈیفنس فورسز فیلڈ مارشل عاصم منیر اور وفاقی وزیر داخلہ محسن نقوی بھی شریک تھے۔ ایران کے وزیرِ خارجہ عباس عراقچی بھی اس موقعے پر موجود تھے۔

ایرانی وفد سے گفتگو کرتے ہوئے وزیراعظم شہباز شریف نے کہا کہ ’پاکستان عالمی اور علاقائی استحکام اور امن کے حصول کے لیے ثالث کا کردار ادا کرتا رہے گا۔‘

انہوں ںے اسلام آباد میں امریکہ کے ساتھ ہونے والے مذاکرات میں ایران کی شمولیت کو سراہا۔

شہباز شریف نے اس موقعے پر قیامِ امن اور عالمی استحکام کے لیے پاکستان کی کوششوں کے عزم کا اعادہ کیا۔