پاکستان میں فی تولہ سونے کی قیمت میں 1000 روپے اضافہ

پاکستان میں ایک تولہ 24 قیراط سونا مزید ایک ہزار روپے مہنگا ہوگیا۔

سندھ صرافہ بازار جیولرز ایسوسی ایشن کے مطابق ملک میں ایک ایک تولہ 24 قیراط سونے کی قیمت 1 لاکھ 23 ہزار 800 روپے ہوگئی ہے۔

اسی طرح 10 گرام سونے کی قیمت میں بھی 857 روپے کا اضافہ ہوا ہے اور نئی قیمت 106138 ہوگئی ہے۔

جبکہ زیورات کی تیاری میں استعمال ہونے والے 22 قیراط سونے کی فی 10 گرام قیمت 97294 ہے۔

عالمی صرافہ بازار میں فی اونس سونے کی قیمت میں سات ڈالر کے اضافے کے بعد نئی 1794 ڈالر فی اونس ہوگئی ہے۔

پیر کے روز ڈالر کے مقابلے میں پاکستانی روپے کی قدر میں 74 پیسے کی کمی دیکھنے میں آئی ہے۔

سٹیٹ بینک کے مطابق پیر کو انٹربینک میں پاکستانی روپے کے مقابلے میں ڈالر کی قدر 175.46 سے بڑھ کر 176.20 روپے ہوگئی ہے۔