16 اگست کو روپے کے مقابلے میں ڈالر، سعودی ریال اور دیگر کرنسیوں کی قیمت

پاکستان میں روپے کے مقابلے میں امریکی ڈالر کی قدر تیزی سے گرنے کا سلسلہ منگل کو قدرے سست رہا۔

سٹیٹ بینک آف پاکستان کی جانب سے جاری کردہ انٹربینک ایکسچینج رپورٹ کے مطابق روپے کے مقابلے میں امریکی ڈالر کی قیمت 8 پیسے کم ہوئی ہے۔

رواں کاروباری ہفتے کے دوسرے روز ڈالر کی قدر کم ہو کر 213.90 روپے رہی جو گزشتہ روز 213.98 روپے تھی۔

انٹربینک مارکیٹ میں روپے کے مقابلے میں سعودی ریال کی قیمت 56.97 اماراتی درہم 58.23 اور کویتی دینار کی قیمت 697.17 روپے رہی۔

عمانی ریال کا شرح تبادلہ 556.30 اور بحرینی دینار کی قدر 567.40 روپے رہی۔

پاکستانی روپے کے مقابلے میں یورو کی قدر 217.24 اور برطانوی پاؤنڈ کی قیمت 257.77 روپے رہی۔

اوپن مارکیٹ میں ڈالر کی قیمت خرید 207.75 اور قیمت فروخت 211.75 روپے، سعودی ریال کی قیمت خرید 54.9 اور قیمت فروخت 55.8 روپے رہی۔

اماراتی درہم کی قیمت خرید 56.4 اور قیمت فروخت 57.4 روپے جب کہ برطانوی پاؤنڈ کی قیمت خرید 251 اور قیمت فروخت 257 روپے رہی۔