کریم کے تعاون سے گھر بیٹھے انفلونزا ویکسین کی سہولت
جمعرات 29 دسمبر 2022 11:52
’سروس کا آغاز ریاض، جدہ، دمام اور مدینہ منورہ سے کیا گیا ہے‘ (فوٹو: سبق)
وزارت صحت نے کریم ٹیکسی سروس کے تعاون سے گھر بیٹھے انفلونزا ویکسین کی سہولت متعارف کروائی ہے۔
سبق ویب سائٹ کے مطابق یہ سہولت سعودی شہریوں سمیت غیر ملکیوں کے لیے ہے جس کے لیے 40 ریال فیس مقرر کی گئی ہے۔
گھر بیٹھے انفلونزا ویکسین کی سہولت طلب کرنے کے لیے کریم کی ایپلی کیشن پر متعلقہ سیکشن میں جانا ہوگا۔
وزارت صحت نے کہا ہے کہ ’یہ سہولت جدہ، ریاض، دمام اور مدینہ منورہ میں شام 5 بجے سے رات 9 تک فراہم کی جائے گی‘۔
’بعد ازاں اس میں وسعت کرتے ہوئے دیگر شہروں کو بھی شامل کیا جائے گا‘۔
واضح رہے کہ کریم ایپلی کیشن پر ویکسین طلب کی جائے گی جس کے بعد ٹیکسی طبی ٹیم کو لے کر لوکیشن پر پہنچ جائے گا۔
’گرین ریاض‘ مہم کا آغاز ’العزیزیہ‘ محلے سے کیوں؟Node ID: 729706
خروج نہائی لگنے کے بعد نئی جاب کی آفر، کفالت تبدیل ہو سکتی ہے؟Node ID: 729726
