پاکستان کے وفاقی تحقیقاتی ادارے (ایف آئی اے) نے آن لائن قرض فراہم کرنے والی غیر قانونی ایپس اور کمپنیوں کے خلاف کارروائیوں کا آغاز کر دیا ہے۔
اس سلسلے میں اسلام آباد میں ان کمپنیوں کے دو دفاتر سیل کر کے کمپیوٹرز، لیپ ٹاپ، موبائل فون اور دیگر دستاویزات اور سازوسامان قبضے میں لے لیا گیا ہے۔
ترجمان ایف آئی اے نے اردو نیوز کے استفسار پر بتایا ہے کہ آن لائن قرض دینے والی ایپس کے خلاف ایف آئی اے سرگرم ہے۔ سائبر کرائم سرکل کے اسلام آباد میں لون ایپس کے دو دفاتر پر چھاپے مارے ہیں۔ اسلام آباد کے سیکٹر جی ایٹ میں واقع دفاتر سیل، لیپ ٹاپس اور کمپیوٹرز قبضے میں لے لئے گئے ہیں۔ چھاپے راولپنڈی میں خود کشی کرنے والے مسعود احمد کے موبائل ریکارڈ کی روشنی میں مارے جا رہے ہیں۔
مزید پڑھیں
-
سرمایہ کاروں کے اثاثوں کی تفصیل بھتہ خوروں کے پاس کیسے پہنچی؟Node ID: 732166
-
آئی ایم ایف نے پاکستان کے لیے تین ارب ڈالر قرض کی منظوری دے دیNode ID: 779221