جمعرات 2 اپریل کو روپے کے مقابلے میں ڈالر، سعودی ریال سمیت اہم کرنسیوں کی قیمت
جمعرات 2 اپریل 2026 16:07
پاکستان کی انٹربینک مارکیٹ میں جمعرات کو روپے کے مقابلے میں امریکی ڈالر کی قیمت میں معمولی کمی ریکارڈ کی گئی ہے، جبکہ اوپن مارکیٹ میں سعودی ریال سمیت دیگر اہم کرنسیوں کی قیمتوں میں بھی ردوبدل دیکھنے میں آیا ہے۔
سٹیٹ بینک آف پاکستان کے مطابق جمعرات کو انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں ایک پیسہ کمی ریکارڈ کی گئی ہے، جس کے ساتھ اس کی نئی قیمت 279 روپے 11 پیسے ریکارڈ ہوئی ہے جبکہ گذشتہ دن اس کی قیمت 279 روپے 12 پیسے ریکارڈ کی گئی تھی۔
انٹربینک مارکیٹ میں سعودی ریال کی قدر 74 روپے 35 پیسے، اماراتی درہم 75 روپے 99 پیسے اور بحرینی دینار کی قدر 739روپے 26 پیسے ریکارڈ کی گئی۔
اسی طرح عمانی ریال کی قدر 725 روپے 5 پیسے، کویتی دینار کی 909 روپے 60 پیسے اور قطری ریال کی قیمت 76 روپے 55 پیسے رہی۔
دوسری جانب فاریکس ایسوسی ایشن آف پاکستان کے مطابق اوپن مارکیٹ میں جمعرات کو امریکی ڈالر کی قیمت خرید 279 روپے ایک پیسے جبکہ قیمت فروخت 280 روپے 20 پیسے ریکارڈ کی گئی۔
سعودی ریال کی قیمت خرید 74 روپے 35 پیسے جبکہ قیمت فروخت 75 روپے 50 پیسے اور اماراتی درہم کی قیمت خرید 75 روپے 95 پیسے جبکہ قیمت فروخت 77 روپے 25 پیسے رہی۔
