کولکتہ ۔۔۔۔۔مغربی بنگال کے انکر ہاٹ میں جوتا فیکٹری میں آگ لگنے سے بچہ سمیت 3افراد ہلاک اور 2زخمی ہوگئے۔پولیس ذرائع کے مطابق آگ عمارت میں رات کے وقت لگی ۔ عمارت سے دھواں اور آگ نکلتے ہوئے دیکھ کر لوگوں نے فائر بریگیڈ کو مطلع کیا ۔ فائر بریگیڈ کے 5گاڑیوں نے کارروائی کرکے آگ پر قابو پایا ۔آگ اتنی شدید تھی کہ پوری عمارت اوراس میں قائم جوتا فیکٹری کا ساز و سامان جل کر راکھ ہوگیا۔ پولیس نے رپورٹ درج کرکے آگ لگنے کے اسباب کی تحقیقات شروع کردی ہے۔
