ڈیوس.. وزیراعظم شاہد خاقان عباسی نے ڈیوس میں سعود ی وزراءسے ملاقات کی۔ پاکستان میں سعودی عرب کے متعدد ترقیاتی منصوبوں سے متعلق امور کا جائزہ لیا گیا ۔ سعودی وفد میں وزیر خزانہ، وزیر تجارت و سرمایہ کاری اور وزیر توانائی شامل تھے۔ وزیراعظم کے معاون خصوصی علی جہانگیر صدیقی اور دیگر سینئر حکومتی اہلکار بھی اس موقع پرموجود تھے۔ ملاقات میں اس بات پر اتفاق کیا گیا کہ سعودی حکومت کے ساتھ جن منصوبوں پر گفت و شنید ہوئی ہے ان کی تیز رفتاری سے پیروی کی جائے گی ۔پاکستان کے سینئر حکام پر مشتمل وفد آئندہ چند ہفتوں میں سعودی عرب کا دورہ کرے گا۔شاہد خاقان عباسی نے حکومت اور عوام کی طرف سے خادم حرمین شریفین شاہ سلمان اور ولی عہد محمد بن سلمان کے لئے نیک خواہشات کا پیغام بھی دیا۔
