اٹاوہ میں طالبہ سے اجتماعی زیادتی

اٹاوہ۔۔۔۔۔اترپردیش میں اٹاوہ کے بھرتھنا علاقے میں گاڑی میں لفٹ دینے کے بہانے بیچلر کی ایک طالبہ کے ساتھ 4دبنگوں نے اجتماعی زیادتی کی اور اس کی وڈیو بناکر سوشل میڈیا پرجاری کرنے کی دھمکی دی۔ اٹاوہ کے سینیئر پولیس سپرنٹنڈنٹ ویبھو کرشن نے بتایا کہ متاثرہ طالبہ نے ماں کے ساتھ تھانے جاکر 2نامزد اور 2نامعلوم افراد کے خلاف رپورٹ درج کرائی ۔ پولیس ذرائع کے مطابق گریجویشن کی طالبہ بھرتھنا سے دوالے کراپنے گاؤں مہیوا جارہی تھی ۔ راستے میں کار میں سوار نوجوان لفٹ کے بہانے اغوا کرکے لے گئے ۔ ملزمان نے اس کا وڈیو بھی بنایا اور جان سے مارنے کی دھمکی دیتے ہوئے فرار ہوگئے۔پولیس نے ملزمان کی گرفتاری کیلئے کارروائی شروع کردی۔