اجودھیا میں مندرتعمیر جلد ہوگی ،مہنت دھرم داس
متھرا۔۔۔۔ متنازعہ اراضی کے اہم فریق مہنت دھرم داس نے کہا کہ اجودھیا میں مندر کی تعمیر کا کام جلد شرو ع ہوجائیگا۔وہ یہاں سنت سمیلن میں اپنے خیالات کا اظہار کررہے تھے۔ انہوں کہا کہ وزیر اعظم نریندر مودی سے ملاقات کرکے سمیلن کے فیصلوں سے آگاہ کرینگے ۔مہنت دھرم داس نے کہا کہ سپریم کورٹ نے کہا ہے کہ وہ عقیدے(آستھا)کی بنیاد پرنہیں ثبوتوں اور حقائق کی بنیاد پر فیصلہ دینگے جس پر یقین ہے کہ فیصلہ رام جنم بھومی کے حق میں ہی ہوگا۔ انہوں نے کہا کہ مسلمانوں کے اہم رہنماؤں سے اس سلسلے میں مثبت پیشرفت ہوئی ہے۔ ان سے ہونیوالی بات چیت کا اخباروں کے توسط سے انکشاف اسلئے نہیں کیا کہ وہ روادارانہ گفت و شنید برقرار رکھنے میں یقین رکھتے ہیں۔
