مغربی افریقہ کے ملک گھانا میں استاد نے وسائل کی کمی اور جدید سہولیات کی عدم فراہمی کو تعلیمی راہ میں آڑے نہ آنے دیا بلکہ بلیک بورڈ پر ہی مائیکروسافٹ ورڈ بنا ڈالا ۔ کلاس روم کی تصویر سامنے آنے پر استاد کی تعلیم دوستی کو خوب سراہا گیا اور اس کے غریب بچوں کو جدید تعلیم دینے کے انداز کو بھی خوب پسند کیا گیا۔ گھانا کے چھوٹے سے اسکول کی تصویر سوشل میڈیا پر خوب وائرل ہوئی اور مائیکرو سافٹ افریقہ کی توجہ حاصل کرنے میں کامیاب ہوگئی جس کے بعد مائیکرو سافٹ افریقہ کی جانب سے استاد کو کمپیوٹر ڈیوائس اور اسکول کے دیگر سہولیات دینے کا اعلان کیا گیا ہے۔
