مملکت کے شمالی علاقے سے 85 ہزار برس قدیم انسانی ہڈی برآمد

 جدہ.... مملکت کے شمال مغربی علاقے میں قدیم ترین انسان ہڈی برآمد ہوئی ۔ محکمہ ارضیات کی مشترکہ ٹیموں نے ہڈی کا تجزیہ کرنے کے بعد جاری رپورٹ میں کہا ہے کہ ہڈی تقریبا 85ہزار برس پرانی ہے ۔ الوطن اخبار کے مطابق سعودی محکمہ ارضیات کے نگران حسین العتیبی کا کہنا ہے کہ برآمد ہونے والی ہڈی انسانی انگلی ہے جس کی لمبائی 32 ملی میٹر اور چوڑائی 9 ایم ایم ہے ۔ ہڈی جس مقام سے برآمد ہوئی ہے وہ مملکت کے شمال مغرب میں تبوک ریجن سے 140 کلو میٹر مشرق میں واقع تیما ءکمشنری کے قریب ہے ۔ العتیبی نے مزید کہا کہ سعودی محکمہ ارضیات کی ٹیمیں تحقیقی کام کے سلسلے میں اس مقام پر کھدائی کررہی تھیں جہاں سے یہ ہڈی برآمد ہوئی ۔ سعودی ٹیموں نے ساتھ یورپی ممالک کے ماہرارضیات بھی شریک تھے ۔ قدیم ترین انسانی ہڈی برآمد ہونے کے بعد اس علاقے میں دریافت کا کام مزید بڑھا دیا گیا ہے۔