سعودی عرب سے شائع ہونیوالے اخبار ”البلاد “ کا اداریہ
قابض اسرائیلی صہیونیوں کے جرائم سے فلسطینی بھائی کراہ رہے ہیں۔ یہ وہ تلخ حقیقت ہے جس کا احساس و ادراک سعودی عرب اور اسکی قیادت کو اپنے قیام کے روز اول سے ہے۔ شاہ عبدالعزیز رحمتہ اللہ علیہ سے لیکر خادم حرمین شریفین شاہ سلمان تک سعودی عرب کی خارجہ پالیسی کا غیر متزلزل اصول فلسطینی بھائیوںکا دامے درمے قدمے سخنے تعاون رہا ہے اور رہیگا۔
سعودی عرب نے فلسطینیوں کی انسانیت نواز خدمات کے سلسلے میں جو کچھ کیا ہے وہ پوری دنیا میں منفرد ہے۔ فلسطینیوں کو سب سے زیادہ تعمیراتی، ترقیاتی اور انسانی خدمات پیش کرنے والا ملک سعودی عرب ہے۔ 2000ءسے لیکر 2018ءتک مملکت نے اس ضمن میں 6ارب ڈالر سے زیادہ فلسطین کو پیش کئے۔
مملکت نے رفحا ءمیں مکانات، اسکول ، ہیلتھ سینٹرز، پانی ، بجلی اور سڑکوں کا بنیادی ڈھانچہ قائم کرنے کیلئے کروڑوں ڈالر خرچ کئے۔علاوہ ازیں مسجد اقصیٰ کلینک کیلئے ایمبولینس اور دوائیں فراہم کیں۔ فلسطینی پناہ گزینوں کے کیمپوں کو مطلوبہ سہولتیں مہیا کیں۔