سعودی ، اماراتی تعاون کونسل: 44منصوبوں پر کام ہوگا
جدہ: سعودی عرب اور متحدہ عرب امارات نے مشترکہ تعاون کونسل کے قیام کے بعددونوں ممالک نے مشترکہ اسٹراٹیجی کے معاہدوں کی منظوری دی ہے۔
اس کے تحت دونوں ممالک اقتصادی ، ترقیاتی اور عسکری شعبوں 44کے منصوبوں پر کام کریں گے۔ واضح رہے کہ دونوں ممالک کے 139سرکاری اداروں سے تعلق رکھنے والے 350اعلی عہدیدار اور ماہرین ان منصوبوں پر گزشتہ ایک سال سے غور کر رہے تھے۔ مشترکہ اسٹراٹیجی کو ”عزیمت اسٹراٹیجی “ کا نام دیا گیا ہے۔ اس کے تحت دونوں ممالک انسانی و علمی وسائل، سیاسی ، سیکیورٹی اور عسکری شعبوں میں مشترکہ طور پر کام کریں گے۔
