بورس جانسن نقاب پوش خواتین سے معافی مانگیں، ٹریسا مے

ریاض ... برطانوی وزیراعظم ٹریسا مے نے اپنے سابق وزیر خارجہ بورس جانسن سے کہا ہے کہ وہ نقاب پوش خواتین سے معذرت کریں۔ انکی توہین پر ان سے معافی مانگیں۔ ٹریسا مے نے کہا کہ جانسن سے قدامت پسند برطانوی پارٹی کے صدر برینڈن لوئس نے معذرت کا جو مطالبہ کیا ہے وہ بالکل درست ہے۔ وہ بھی ان سے اس سلسلے میں متفق ہیں۔ برطانوی وزیراعظم نے کہا کہ ہمیں زبان اور جملوں کے انتخاب میں احتیاط برتنا ضروری ہے۔ ہمیں یہ امر بھی مدنظر رکھنا ہے کہ لوگوں کو اپنے مذہب پر عمل کا حق ہے۔ خواتین نقاب کے استعمال کے سلسلے میں آزاد ہیں۔