جرمنی میں دوسری جنگ عظیم کے زمانے کا بم ناکارہ بنادیا گیا
فرینکفرٹ .... جرمنی کے شہر لڈوگ شیفن میں کھدائی کے دوران ملنے والا دوسری جنگ عظیم کے زمانے کا 1100 پاﺅنڈ وزنی بم ناکارہ بنادیا گیا۔ بم کو ناکارہ بنانے سے قبل بم ملنے والی جگہ کے گرد ایک کلومیٹر کے دائرے میں مقیم ساڑھے 18ہزار افراد کو ان کے گھروں سے نکال کر محفوظ مقامات پر منتقل کیا گیا۔ یہ لوگ صبح آٹھ بجے سے سہ پہر دو بجے تک گھروں سے باہر رہے۔ یہ بم امریکی فضائیہ کی طرف سے گرایا گیا تھا۔
