ٹوکیو ۔۔۔جاپانی الیکٹرانک ساز کمپنی پینا سونک نے اپنا یورپین صدر دفتر لندن سے ہالینڈ منتقل کرنے کا فیصلہ کیا ہے۔جمعرات کو پیناسونک کی ترجمان نے کہا ہے کہ ہم نے اپنا یورپین ہیڈ کوارٹر ہالینڈ منتقل کرنے کا فیصلہ کیا ہے جس کے تحت پیناسونک رواں سال اکتوبر میں لندن کے نواح سے ایمسٹرڈم منتقل ہو جائیگا۔پینا سونک کے یورپین ہیڈ کوارٹر میں اسٹاف کی تعداد20 سے 30 افراد پر مشتمل ہے جن میں سے آڈیٹنگ اور فنانشل آپریشنز کے 10 سے 20 ملازمین ایمسٹرڈم منتقل کئے جائیں گے۔
