ریاض۔۔۔ سعودی عرب کے نئے وزیر تعلیم ڈاکٹر حمد آل الشیخ کنگ سعود یونیورسٹی کے سیکریٹری ، یونیورسٹی کونسل کے ممبر کے طورپرکام کرچکے ہیں۔ انہیں دسمبر 2011ءمیں نائب وزیر تعلیم و تربیت برائے طلباءمتعین کیا گیا تھا۔ جون 2017 ءمیں مشیر ایوان شاہی بنایا گیا تھا۔ ڈاکٹر حمدال الشیخ نے اقتصادی ترقی و منصوبہ بندی میں پی ایچ ڈی امریکہ کی اسٹیفورڈ یونیورسٹی سے کی ہوئی ہے۔ ڈاکٹر حمد آل الشیخ متعدد کتابوں کے مصنف ہیں۔ وہ سعودی اقتصادی سوسائٹی ، امریکی اقتصادی سوسائٹی ، امریکہ کی زرعی اقتصادی سوسائٹی اور ماحولیات و آمدنی کے اقتصادی امور کی سوسائٹی کے ممبر ہیں۔ گزشتہ برسوں کے دوران سعودی قیادت انہیں متعدد ذمہ داریاں تفویض کرتی رہی ہے جنہیں انہوں نے کامیابی سے انجام دیا۔