خادم حرمین شریفین شاہ سلمان بن عبدالعزیز نے کہا ہے کہ ’پوری دنیا ان دنوں غیرمعمولی مشکل حالات سے گزر رہی ہے۔ وبا نے دنیا بھر کے انسانوں کو متاثر کررکھا ہے‘۔
’وبا کے پیش نظر ہی اس سال حج محدود تعداد میں لوگوں کو کرایا گیا‘۔
سعودی خبررساں ادارے ایس پی اے کے مطابق شاہ سلمان نے کہا ’ اس سال حج انتظامات کا بنیادی مقصد زائرین کو نئے کورونا وائرس کی وبا سے بچانا ہے‘۔
شاہ سلمان نے ان خیالات کا اظہار سعودی شہریوں اور مقیم غیرملکیوں، حج کرنے والوں اور دنیا بھر میں آباد فرزندان اسلام کے نام اپنے عید الاضحی پر پیغام میں کیا ہے جسے ان کی جانب سے قائم مقام وزیر اطلاعات ڈاکٹر ماجد القصبی نے ریڈیو اور ٹی وی پر پڑھ کر سنایا۔
أهنئ الجميع بعيد الأضحى المبارك، أعاده الله علينا وعليكم بالخير والبركة والصحة والعافية.
كما نسأله تبارك وتعالى أن يتقبل من الحجاج حجهم، ومن المسلمين طاعتهم، وأن يرفع عن بلادنا والعالم وباء جائحة كورونا بفضله ورحمته، وكل عام وأنتم بخير.— سلمان بن عبدالعزيز (@KingSalman) July 31, 2020