Sorry, you need to enable JavaScript to visit this website.

’معذوری کو کمزوری نہیں بننے دیا‘ گل فروش باہمت خاتون

پھولوں سے مختلف اشیا بنانے کا شوق بچپن سے تھا(فوٹو ایم بی سی)
جازان کمشنری میں رہنے والی باہمت سعودی لڑکی نے معذوری کو اپنی کمزوری نہ بننے دیا۔ گریجویشن کرنے کے بعد پھولوں کی دکان کھولی اور باقاعدگی سے دکان چلا رہی ہے۔ 
نجی ٹی وی ’ایم بی سی ‘ کے مارکنگ شو میں گفتگو کرتے ہوئے ’امل حکمی ‘ نے بتایا کہ پھولوں سے ابتدا سے ہی بہت لگاؤ تھا یہی شوق بعدازاں میرے کاروبار کی بنیاد بن گیا۔ 

گھر کی سجاوٹ کا شوق اس جانب لایا (فوٹو ایم بی سی)

امل حکمی کا مزید کہنا تھا کہ دکان کھولنے سے قبل زمانہ طلب علمی سے ہی مجھے گھر کی سجاوٹ کا شوق تھا جس کے لیے مختلف پھولوں کا استعمال کرنے کے علاوہ سجاوٹ کی اشیا بھی بناتی تھی۔ 
گریجویشن کرنے کے بعد مجھے خیال آیا کہ کیوں نہ مستقبل کے لیے ڈئزائننگ کے شعبے کا اپناتے ہوئے اسے روزگار کا ذریعہ بناؤں۔ 
اسی خیال کے تحت گھر کے باہر دکان کھولی اس کی ڈیزائننگ بھی اپنی نگرانی میں ہی کرائی۔ 


خود پر اعتماد وقت کے ساتھ مزید پختہ ہوگیا (فوٹو ایم بی سی)

امل حکمی نے مزید بتایا کہ دکان کھولنے سے قبل تجرباتی طور پر اپنے کمرے کو ہی آرائشی چیزوں سے سجایا، پڑوسیوں اور واقف کاروں کی جانب سے مجھے بہت اچھا رسپانس ملا جس کے بعد میں نے دکان کھولنے کا فیصلہ کیا۔ 
امل کا کہنا تھا کہ معذوری کبھی میری سوچ پر حاوی نہ ہوسکی اگر یہ کہوں  تو بے جا نہ ہوگا کہ میں نے معذوری کو کبھی اپنی کمزوری بننے نہیں دیا۔  
’بچپن سے ہی مجھے خود پر مکمل اعتماد تھا جو وقت کے ساتھ ساتھ مزید پختہ ہوگیا-
 
خود کو اپ ڈیٹ رکھیں، واٹس ایپ گروپ جوائن کریں

شیئر: