سعودی وزارت اسلامی کے تحت بلقان میں بین الاقوامی مقابلہ حفظِ قرآن

سعودی وزارت اسلامی امور نے بوسنیا ہرزگوینا میں سعودی سفارت خانے کے مذہبی اتاشی کے ذریعے بلقان میں سب سے بڑے بین الاقوامی حفظ القرآن مقابلے کے ابتدائی کوالیفائرز مکمل کر لیے۔

خبر رساں ادارے ایس پی اے کے مطابق یہ پروگرام کوسوو میں اسلامی شیخڈم اور البانیہ میں سعودی سفارت خانے  کے تعاون سے منعقد کیا گیا تھا۔

مقابلے میں 22 ممالک کے 2350 شرکا نے حصہ لیا، ان ملکوں میں کوسوو، البانیہ، بوسنیا اور ہرزگوینا، مونٹی نیگرو، شمالی مقدونیہ، اٹلی، ترکی، یونان، بلغاریہ، جمہوریہ چیک، قبرص، سلووینیا، کروشیا، رومانیہ، سربیا، ایستونیا، بلیجیئم، یوکرین، جارجیا، روس، بیلاروس اور سن مارینو شامل ہیں۔

 160 شرکا فائنل کے لیے کوالیفائی کر چکے ہیں جو 8 سے 11 مئی تک کوسوو کے دارالحکومت پرسٹینا میں پانچ مختلف کیٹیگریز میں حصہ لیں گے۔

مقابلے میں مجموعی انعامی رقم پانچ لاکھ سعودی ریال رکھی گئی ہے جبکہ اس کے انعقاد پر تقریباً 12 لاکھ سعودی ریال خرچ ہوئے۔

کوسوو کے مفتی اعظم اور اسلامی شیخڈم کے سربراہ شیخ نعیم ترناوا نے سعودی عرب کے مسلسل تعاون کا شکریہ ادا کیا۔

انہوں نے بلقان خاص طور پر کووسو کے مسلمانوں میں اسلام کی اعتدال پسندی، قرآن کی اقدار اور تعلمیات کو تقویت دینے کےلیے سعودی وزارت کے مختلف پروگراموں کی تعریف کی۔