غزہ کی صورتحال پر مشترکہ عرب اور اسلامی وزارتی کمیٹی کے ارکان نے جمعے کو پیرس میں فرانسیسی وزیر خارجہ  جین نول بروٹ سے ملاقات کی ہے۔

ایس پی اے کے مطابق سعودی وزیر خارجہ شہزادہ فیصل بن فرحان کی سربراہی میں وفد میں اردن کے نائب وزیر اعظم و وزیرخارجہ ایمن الصفدی، مصری وزیر خارجہ ڈاکٹر بدر عبدالعاطی شریک ہوئے۔

ملاقات میں موجودہ بحران اور خطے میں امن کو آگے بڑھانے کی کوششوں پر تبادلہ خیال کیا گیا۔

غزہ میں جنگ کے خاتمے، انسانی امداد کی کسی رکاوٹ کے بغیر فراہمی یقینی بنانے، اسرائیل کی جانب سے فلسطینی عوام اور مقبوضہ علاقوں میں کی جانے والی خلاف ورزیاں رکوانے کےلیے بین الاقوامی کوششوں پر تبادلہ خیال کیا گیا۔

ان خلاف ورزیوں کو بین الاقوامی قوانین اور انسانی اصولوں کے منافی دیا گیا ہے۔

 متعلقہ بین الاقوامی قوانین کے مطابق دو ریاستی حل پرعملدرامد پر زور دیا گیا منصفانہ اور دیرپا امن کے لیے مشترکہ سفارتی اقدامات کو تیز کرنے کے طریقوں پر بات چیت کی گئی

اجلاس میں دو ریاستی حل کےلیے ایک اعلی سطح کی بین الاقوامی کانفرنس کی تیاریوں کا بھی جائزہ لیا گیا جو آئندہ جون میں اقوام متحدہ کے صدر دفتر نیویارک میں ہونے والی ہے۔

سعودی وزیر خارجہ کے مشیر برائے سیاسی امور شہزادہ مصعب بن محمد الفرحان بھی اجلاس میں موجو تھے۔