سعودی وزیرخارجہ کا انڈونیشی ہم منصب سے رابطہ ، غزہ پر تبادلہ خیال

  وزیر خارجہ شہزادہ فیصل بن فرحان بن عبداللہ نے انڈونیشی ہم منصب سے ٹیلی فونک پررابطہ کیا اور انہیں وزارت خارجہ کا قلمدان سنبھالنے پر مبارک باد پیش کی۔

سعودی خبررساں ایجنسی ’ایس پی اے‘ کے مطابق سعودی وزیرخارجہ شہزادہ فیصل بن فرحان نے نومنتخب انڈونیشی وزیرخارجہ سوگیونو سے مختلف امور پر تبادلہ خیال کیا۔

اس موقع پر غزہ پٹی کی تازہ ترین صورتحال پر بھی گفتگو ہوئی علاوہ ازیں مسئلہ کے حل کے لیے کی جانے والی کوششیں بھی زیر بحث آئیں۔