سعودی قیادت کی جانب سے مونٹی نیگرو کو قومی دن پر مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے مونٹی نیگرو کے صدر یاکوف میلانوویچ کو ان کے ملک کے قومی دن پر مبارکباد پیش کی ہے۔

سعودی پریس ایجنسی کے مطابق سعودی قیادت نے مونٹی نیگرو صدر کو تہنیتی پیغام روانہ کئے ہیں۔

سعودی قیادت نے مونٹی نیگرو کے صدر کے نام روانہ کئے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اور مونٹی نیگرو کے لیے مزید ترقی و کامرانی کی امید رکھتے ہیں‘۔