پمز آتشزدگی: ننھی جان بچانے والی نرس رضیہ نورین کو تمغۂ خدمت دینے کا اعلان

پمز ہسپتال کی آتشزدگی کے دوران اپنی جان کی پروا کیے بغیر ایک نومولود بچی کی جان بچانے والی نرس رضیہ نورین نے جمعرات کو وزیراعظم شہباز شریف سے وزیراعظم ہاؤس میں ملاقات کی۔ وزیراعظم نے نرس کی بہادری پر انہیں آئندہ برس 23 مارچ کو تمغۂ خدمت دینے کا اعلان کیا۔

واضح رہے کہ آگ، دھوئیں اور اندھیرے کے درمیان رضیہ نورین نے اپنی جان خطرے میں ڈال کر ننھی بچی آصفہ کو باہر نکالا اور محفوظ ہاتھوں میں پہنچایا۔ ان کا کہنا ہے کہ یہ انتہائی دلخراش صورت حال تھی، آگ تیزی سے پھیل رہی تھی، مگر انہوں نے ہمت نہیں ہاری اور بچی کو بچا کر باہر لے آئیں۔ رضیہ نورین کو وزیراعظم نے ایک کروڑ روپے کا چیک بھی پیش کیا۔ تفصیل اس ویڈیو میں۔