لکھنؤ ۔۔۔دسویں واہنی پی اے سی میں تعینات ایک کانسٹبل سائبر کرائم کا شکا ر ہو گیا ۔ سات دن تک لکھنؤ اور بستی ضلع کے مختلف اے ٹی ایم سے کانسٹبل کے کھاتہ سے روپئے نکلتے رہے ۔ کانسٹبل کے موبائل پر ایک بھی ایس ایم ایس نہیں آیا ۔ معلوم ہونے پر کانسٹبل نے بینک منیجر پر اس جعلسازی کی سازش کا مقدمہ درج کرایا ہے ۔ متاثرہ راج بلی ایکسس بینک کی مین برانچ بارہ بنکی سے ایک لاکھ روپئے نکالنے گئے ۔ جہاں انہیں پتا چلا کہ ان کے کھاتہ میں صرف 726 روپئے ہیں ۔ یہ سن کر ان کے ہوش اڑ گئے ۔ بینک ملازم کی مدد سے راج بلی کو پتہ چلا کہ 17 سے 23 اکتوبر کے درمیان اس کے کھاتہ سے کئی بار میں روپئے نکلے ہیں ۔
