ریاض ۔۔۔۔سعودی پبلک پراسیکیوٹر نے سعودی جیلوں میں قیدیوں کی تعداد کم کرنے کیلئے متعدد اقدامات کی منظوری دیدی۔ان کے بموجب نشہ آور اشیاء کے استعمال پر زیر حراست لئے جانے والے غیر ملکیوں کو رہا کرکے مملکت سے بیدخل کردیا جائیگا جبکہ 5برس سے جیلوں میں موجود سعودیوں اور ایسے غیر ملکی ملزمان کی حراست کو منسوخ کردیا جائیگا جو نشہ آور اشیاء کے استعمال پر حراست میں لئے گئے تھے۔ بشرطیکہ ان پر منشیات کی اسمگلنگ وغیرہ کے الزامات نہ ہوں۔
