بجلی کے کیبل اور پارٹس چرانے والا گروہ گرفتار
جازان..... قانون نافذ کرنے والے ادارے کے اہلکاروں نے صبیاءکمشنری میں گاڑیوں کے پارٹس اور بجلی کے کیبل چرانے والے 7 رکنی ایشیائی گروہ کو گرفتا رکر لیا ۔ سبق نیوز کے مطابق پولیس کو اطلاع ملی تھی کہ کمشنری میں ایک گروہ چوری کی وارداتوں میں مصرو ف ہے ۔ ملزمان تانبے کے کیببل اور گاڑیوں کے اسپئیر پارٹس چرا کر انہیں اسکریپ کے طور پر فروخت کر دیتے ہیں ۔ اطلاع ملنے کے بعد پولیس نے ملزمان کی نگرانی شروع کردی تاکہ انہیں رنگے ہاتھوں مسروقہ سامان کے ساتھ گرفتا ر کیا جاسکے ۔ پولیس ٹیم مشکوک افراد کا تعاقب کرتے ہوئے انکے ٹھکانے تک پہنچ گئی جہاں سے مسروقہ کیبل اور 7500 ریا ل برآمد ہوئے ۔ ملزمان سے مزید تحقیقات جاری ہیں ۔
