جامنی رنگ شاہانہ اور فنکارانہ انداز کی علامت سمجھا جاتا ہے ۔ یہ دولت ، جاہ اور شان و شوکت کا اظہار کرتا ہے ۔ اسے دولت کے اظہار کے ساتھ ساتھ گہری ، مضبوط اور تخلیقی شخصیت کی علامت بھی سمجھا جاتا ہے ۔ جامنی رنگ کسی فرد کے عدم اطمینان کا اظہار بھی ہو سکتا ہے ۔ اس رنگ کا شمار آفس میں پہنے جانے والے رنگوں میں نہیں ہوتا لہٰذا کسی بھی جاب انٹرویو کے لیے جاتے وقت جامنی رنگ کے ا نتخاب سے گریز کریں ۔
یہ رنگ جنون اور احساسات کی گہرائی کو بھی ظاہر کرتا ہے ۔ اس رنگ کو پسند کرنے والے افراد منفرد اور حساس ہوتے ہیں .وہ طاقت ، عزت اور شان و شوکت کے دلدادہ ہوتے ہیں . ذہانت اور تیز قوت مشاہدہ کے مالک ہوتے ہیں . ایسے افراد سچ کا ساتھ دیتے ہیں لیکن طاقت کی چاہ میں دوسرے کو کچل کر گزر جانے میں عار محسوس نہیں کرتے .
