ایران یورنیم کی اعلیٰ افزودگی کے قابل ہو چکا ہے، صالحی

تہران ..... ایران نے کہا ہے کہ امریکا عالمی جوہری ڈیل سے دستبرار ہوتا ہے تو وہ یورنیم کی زیادہ افزودگی کا عمل بحال کر دے گا۔ ایرانی جوہری توانائی کے ادارے کے سربراہ علی اکبر صالحی نے کہا ہے کہ ماضی کے مقابلے میں اب ایران کی یورنیم کی اعلیٰ افزودگی کی تکنیکی صلاحیت بہتر ہو چکی ہے۔ امریکی صدر ڈونلڈ ٹرمپ نے اپنے یورپی اتحادیوں کو بارہ مئی کا وقت دیا ہے کہ وہ سن دو ہزار پندرہ میں طے پانے والی اس ڈیل کی خامیوں کو دور کرے ورنہ واشنگٹن حکومت اس سے دستبردار ہو جائے گی۔