فائرنگ کے ملزم نے ڈائری میں حملہ کا ارادہ ظاہر کردیا تھا

ٹیکساس۔۔۔ امریکی ریاست ٹیکساس میں پولیس کا کہنا ہے کہ ایک اسکول میں فائرنگ کرنے والے 17 سالہ مشتبہ فرد نے اپنی ڈائری میں لکھا تھا کہ وہ حملہ کرنا اور اسکے بعد خودکشی کرنا چاہتا ہے۔فائرنگ کا یہ واقعہ جمعہ کی صبح ہیوسٹن کے قریب سانٹا فے میں ایک ہائی اسکول میں پیش آیا، جس میں 10 افراد ہلاک اور10 دیگر زخمی ہوئے۔ مشتبہ نوجوان جو مذکورہ اسکول کا طالبعلم ہے ، قتل کے الزام میں گرفتار کر لیا گیا ہے۔