سشما سوراج نے 2دن میں پاسپورٹ جاری کراکے دل جیت لیا
نئی دہلی۔۔۔۔ملک و بیرون ملک مقیم ہندوستانیوں کی پریشانیوں کو حل کرکے ان کے دلوں کو جیتنے والی سشما سوراج نے انسانیت نوازی کاثبوت دیتے ہوئے ایک پریشان خاتون کی مشکل ایک ٹویٹ پر حل کر چہرے پر مسکراہٹ بکھیردی۔ خاتون نے اپنے معصوم بچے کے پاسپورٹ کے اجراء کیلئے سشما سوراج سے ٹویٹر پر درخواست کی تھی جس پر انہوں نے 2دن کے اندر پاسپورٹ مہیا کرادیا۔ اس پر خاتون نے انہیں دعائیں دیں اور تہ دل سے شکریہ ادا کیا۔
