ورلڈ فٹبال کپ کے میچ کون دکھائے گا؟
ریاض۔۔۔۔باخبرذرائع نے واضح کیا کہ سعودی اسپورٹس چینلز روس میں ہونیوالے ورلڈ فٹبال کپ کے میچ نہیں دکھائیں گے۔ اس حوالے سے اس کے برخلاف گردش کرنیوالی باتیں حقیقت سے عاری ہیں۔ حالیہ ایام میں سوشل میڈیا پر یہ افواہ جنگل کی آگ کی طرح پھیلی ہوئی ہے کہ سعودی اسپورٹس چینلز روس میں ہونیوالے ورلڈ فٹبال کپ کے میچ اپنے ناظرین کو براہ راست دکھائیں گے۔ باخبر ذرائع نے اس کی تردید کرتے ہوئے کہا کہ بلا وجہ لوگوں کو امید دلاکر پریشان کیا جارہا ہے۔
