واشنگٹن۔۔امریکی صدر ڈونلڈ ٹرمپ نے کہا ہے کہ انہوں نے سپریم کورٹ میں جسٹس انتھونی کینڈی کی جگہ، جنہوں نے ریٹائر ہونے کا اعلان کیا ہے، نیا جج مقرر کرنے کے لیے چار امیدواروں سے ملاقات کی ہے ۔میڈیارپورٹس کے مطابق میڈیا سے بات چیت کرتے ہوئے صدر نے مزید کہا کہ وہ اس سلسلے میں مزید دو یا تین امیدواروں سے ملاقات کریں گے۔صدر ٹرمپ نے بتایا کہ میں نے جن امیدواروں سے ملاقاتیں کی ہیں وہ مختلف حوالوں سے غیر معمولی صلاحیتوں کے حامل ہیں۔وائٹ ہاؤس کی ترجمان ہکابی سینڈرز نے کہا کہ صدر نے ہر امیدوار سے تقریباً 45 منٹ تک ملاقات کی ہے۔تاہم ترجمان نے کسی بھی امیدوار کا نام ظاہر نہیں کیا۔ترجمان کا کہناتھا کہ صدر کسی ایسی شخصیت کی تلاش میں ہیں جو امریکی آئین کی سربلندی کے لیے کام کرسکے اور جس کی فہم وفراست اور مزاج اس منصب کے لیے مناسبت رکھتا ہو۔
