ریاض.... سعودی عرب نے امریکہ سے 608ارب ریال مالیت کے بانڈز خرید لئے ۔ دنیا بھر میں سب سے زیادہ امریکی بانڈز خریدنے والے ممالک میں سعودی عرب کا نمبر 11واں ہوگیا۔ یہ اعداد و شمار مئی 2018ءکے اختتام تک کے ہیں۔ امریکی بانڈز خریدنے والے ممالک میں جاپان، چین، تائیوان، ہانگ کانگ، سنگا پور، ہندوستان ، برطانیہ، لکسمبرگ، سوئٹزرلینڈ، آئرلینڈ ، بیلجیئم، برازیل اور جزائر کیمرون سرفہرست ہیں۔ سعودی عرب امریکہ سے کرنسی نوٹ ، اثاثے ڈالر میں خریدے ہوئے ہے۔ وہ مذکورہ رقم میں شامل نہیں۔ ایک سال کے دوران امریکی بانڈز میں سعودی عرب کی سرمایہ کاری میں 21فیصد کا اضافہ ہوا۔
