انڈونیشیا کے صدر سے سعودی قیادت کا اظہار ہمدردی

جدہ ... خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان نے زلزلے سے ہونے والے جانی نقصان پر انڈونیشی صدر اور جاں بحق ہونے والوں کے اعزہ سے اظہار تعزیت کیا۔ انہوںنے تعزیتی پیغام میں سعودی عوام و حکومت کی طرف سے پرسہ دیا۔ شاہ سلمان نے زلزلے میں زخمی ہونے والوں کی فوری شفاءکی آرزو ظاہر کی اور دعا کی کہ اللہ تعالیٰ انڈونیشی بھائیوں کو ہر آفت اور ہر بلا سے اپنی حفاظت میں رکھے۔ ولی عہد شہزادہ محمد بن سلمان نے بھی انڈونیشیا میں آنے والے زلزلے سے ہونے والے جانی اور مالی نقصانات پر صدر سے ہمدردی اور تعزیت کی۔