ہم وطن کے سعودی قاتل کا سر قلم

 

ابہا: عسیر ریجن کے حکام نے سعودی شہری علی بن محمد الزہیری کے قتل کا الزام ثابت ہوجانے پر ہم وطن عوض بن معیض الغوازی کا منگل کو ابہا شہر میں سرقلم کردیا۔ وزارت داخلہ نے اعلامیہ جاری کرکے بتایا کہ عوض الغوازی نے جھگڑا ہوجانے پر فائرنگ کرکے اپنے ہم وطن علی الزہیری کو قتل کردیا تھااور واردات کرکے فرار ہوگیا تھا۔ عدالت نے الزام ثابت ہوجانے پر اسے موت کی سزا سنا دی تھی تاہم مقتول کے وارثوں کے نابالغ ہوجانے کی وجہ سے فیصلہ پر عملدآمد ملتوی کردیا گیاتھا۔