اسمارٹ فونز پر فیک اپلیکیشن سے بچنے کا طریقہ

کسی بھی فیک اپلیکیشن کو ڈاونلوڈ کرکے آپ نہ صرف اپنے اسمارٹ فون میں مختلف وائرس کو راستہ دے سکتے ہیں بلکہ اپنی ذاتی معلومات اور ڈیٹا کو بھی غلط ہاتھوں میں پہنچا سکتے ہیں لہذا اپلی کیشن کو ڈاون لوڈ کرتے وقت اس بات کا خیال رکھنا انتہائی ضروری ہے کہ وہ جعلی نہ ہو۔ اس کے لیے سب سے اہم یہ ہے کہ اپلیکیشن کو ہمیشہ آفیشل ایپ اسٹور سے ڈاؤن لوڈ کریں ۔ایپلیکیشن کی ڈسکرپشن کو لازمی پڑھیں اور اگر اس میں گرائمر اور اسپیلنگ کی غلطیاں نظر آئیں تو سمجھ جائیں کہ اپلیکیشن فیک ہے۔ عموماً ایپلی کیشنز کے نیچے ریویوز کا حصہ بھی موجود ہوتا ہے جنہیں پڑھ کر اندازہ لگایا جاسکتا ہے کہ دیگر صارفین کا اس اپلیکیشن سے متعلق تجربہ کیسا رہا ہے اور اگر اپلیکیشن جعلی ہو تو بھی ریویوز سے اس بات کو جانا جا سکتا ہے۔ویب سائٹس اپلیکیشن کے ساتھ ان کے ڈویلپرز کا مختصر تعارف بھی پیش کرتی ہیں ۔ اگر اس تعارف میں کوئی بھی بات مشتبہ ہو تو ایپلی کیشن کو ڈاون لوڈ نہ کریں۔کسی بھی ایپلیکیشن کے کل ڈاؤنلوڈز کی تعداد دیکھ کر بھی اس کے جعلی یا مصدقہ ہونے کا اندازہ لگایا جا سکتا ہے۔