خوبصورتی میک اپ سے مشروط نہیں

خوبصورتی میک اپ سے مشروط نہیں  . خود کو خوبصورت بنانا چاہتی ہیں تو اپنی توجہ میک  اپ کے بجائے  جلد کو قدرتی طور پر بحال کرنے پر صرف کریں .  خوبصورتی کا پہلا مرحلہ صحت مند اور چمکدار جلد کا حصول ہے .  اگر جلد  صحت مند ہو گی  تو  اپنی قدرتی خوبصورتی کو نکھارنے میں  میک اپ کی مدد لینا بھی ممکن ہو گا .  میک اپ کو اپنی شخصیت تبدیل کرنے کے لیے نہیں بلکہ اسے  بہترین انداز میں ظاہر کرنے کے لیے استعمال کریں .  اپنی جلد کی  صفائی کا خاص خیال رکھیں . اپنی جلد کو دھول مٹی اور آلودہ ہوا سے بچانے کے لیے  فیس ماسک اورکلینزینگ کو اپنے روزانہ کے معمول کا حصہ بنائیں  .   اس طرح جلد طویل عرصے تک صحت مند اور تروتازہ دکھائی دیتی ہے  اور چہرے پر جھریاں واضح ہونے کا عمل بھی  دھیما ہو جاتا ہے .  کوشش کریں چہرے پر میک اپ کی کم سے کم مقدار استعمال کریں  . میک اپ سے پہلے جلد کی مناسبت سے  معیاری سیرم ، موسچرائزر  اور فارماسیوٹیکل وٹامنز کا استعمال  اپنی بیوٹی روٹین کا حصہ بنائیں .  میک اپ سے پہلے چہرے پر واٹر مسٹ استعمال کریں اس کے بعد سیرم اور پھر ایک معیاری پلکا پھلکا موسچرائزر  ، تاکہ میک اپ  لگانے کے بعد بھی جلد کی نمی برقرار رہے .  میک اپ کا استعمال ضرورت کے مطابق اور متوازن طریقے سے ہو .  میک اپ اعتدال سے کریں  اور چہرہ چھپانے کے لیےنہیں بلکہ اصل خوبصورتی نکھارنے کے لیے .  اگر آپ یہ  اصول اپنا لیں تو قدرتی حسن سے قریب تر ہو جائیں گی .