دمام ۔۔۔ روڈ سیکیورٹی فورس نے اعلان کیا ہے کہ ڈرائیونگ کے دوران ہاتھ سے موبائل کا ا ستعمال اور حفاظتی بیلٹ نہ لگانا ٹریفک خلاف ورزی ہے۔ الشرقیہ میں خود کار نظام کے ذریعے دونوں خلاف ورزیوں کا اندراج شرو ع کردیا گیا۔ ادارے نے ٹویٹر پر اپنے اکاﺅنٹ میں اطلاع دی ہے کہ الشرقیہ میں جو لوگ ڈرائیونگ کے دوران حفاظتی بیلٹ نہیں لگائیں گے یا موبائل استعمال کرینگے انہیں خود کار نظام کے ذریعے پکڑ لیا جائیگا۔ الشرقیہ میں اس پر عمل درآمد شروع کردیا گیا۔
