راجر فیڈرر 100واں ٹورنامنٹ جیتنے کیلئے ایک میچ کی دوری پر ہیں

دبئی:سابق عالمی نمبر ون سوئس ٹینس اسٹار راجر فیڈرر اے ٹی ٹائٹلز کی سنچری سے ایک قدم کے فاصلے پر ہیں اور فائنل میں ان کا مقابلہ یونان کے ابھرتے ہوئے کھلاڑی اسٹیفینوس سے ہوگا ۔ یہ فائنل جیت کر راجر فیڈرر100ٹائٹل کے مالک بن جائیں گے تاہم اسٹیفینوس ان کی تاریخی کامیابی میں رکاوٹ بن سکتا ہے جس نے آسٹریلین اوپن کے کوارٹر فائنل میں فیڈرر کے خلاف حیران کن کامیابی حاصل کرکے سیمی فائنل میں جگہ بنائی تھی۔فیڈرر کو خود بھی اس صورتحال کا اندازہ ہے اور ان کا کہنا تھا کہ اسٹیفینوس نے آسٹریلین اوپن میں جس طرح میرا مقابلہ کیا تھا اس سے ثابت ہو گیا کہ وہ یک مشکل کھلاڑی ہیں۔ قبل ازیں فیڈرر نے دبئی چیمپیئن شپ کے سیمی فائنل میں کروشیا کے نوجوان حریف کھلاڑی بورنا کورک کو شکست دے کر فائنل میں جگہ بنائی۔ٹینس کی تاریخ میں ریکارڈ ساز 20 گرینڈ سلام ٹائٹلز جیتنے والے 37 سالہ راجر فیڈرر 7مرتبہ یہ چیمپیئن شپ جیت چکے ہیں اور اس مرتبہ بھی فیورٹ قرار دیئے جا رہے ہیں۔ راجر فیڈرر نے سیمی فائنل میں بورنا کورک کو67 منٹ کے مقابلے میں باآسانی2-6اور 2-6سے شکست دی۔ دوسرے سیمی فائنل میں اسٹیفینوس نے فرانس کے جائل مونفلز کو شکست دی تھی۔

 کھیلوں کی  مزید خبریں اور تجزیئے پڑھنے کیلئے واٹس ایپ گروپ " اردو  نیوز اسپورٹس" جوائن کریں