Sorry, you need to enable JavaScript to visit this website.

ملا عمر امریکی فوجی اڈوں کے قریب برسوں رہائش پذیر رہے

 
 
افغان  طالبان  کے  بانی  اور  سابق  امیر  ملا  عمر  کے  بارے  میں لکھی گئی  ایک کتاب  میں  انکشاف  کیا گیا ہے  کہ  امریکی  فوجی  اڈوں  کے  قریب  کئی  برسوں  تک  رہائش  رکھنے  کے  باوجود  امریکی  انٹیلی جنس  ان  کو   تلاش  کرنے  میں  ناکام  رہی۔
ہالینڈ  کى  صحافی  اور  مصنف  بٹے  ڈیم  کی  کتاب ’ ’دی سیکریٹ لائف آف ملا عمر‘‘  میں  دعویٰ کیا  گیا  ہے  واشنگٹن  میں  حکام  یہ  سمجھتے  رہے  کہ  افغان  طالبان  کے  امیر  پاکستان  فرار  ہوئے  ہیں  لیکن  ان  کے  بارے  میں  لکھی  گئی  اس  سوانح  عمری  میں  کہا  گیا  ہے  کہ  درحقیقت  ملا  عمر  اپنے  آبائی  صوبے  زابل  میں  ایک  اہم  امریکی  فوجی  اڈے  کے  قریب  تین  میل  کے  فاصلے  پر  قیام  پذیر  تھے۔
اس  کتاب  کے  مطابق  ملا  عمر  کا  انتقال  2013  میں  صوبہ  زابل  میں  ہوا۔
بٹے  ڈیم  نے  اس  کتاب  کو  مرتب  کرنے  میں5  سال  لگائے   اور  اس  سوانح  عمری  کو  لکھنے  کے  لیے    ملا  عمر   کے  ذاتی  محافظ  جبار  عمری  سے  ملاقات  کی  جھنوں نے   افغان  طالبان  کی  حکومت  کے  خاتمے  کے  بعد  نہ  صرف  ملا  عمر  کی  حفاظت  کی  بلکہ  ان  کا  ساتھ  بھی  دیا۔
اس  کتاب  کے  مطابق  افغان  طالبان  کے  رہنما  اپنی  معلومات  کے  لیے  شام  کے  وقت  بی بی سی  پشتو  کی  نشریات  سنتے  تھے ۔اس  کتاب  میں  دعویٰ  کیا  گیا  ہے  کہ  9/11   کے  بعد  امریکہ  نے  ملا  عمر  کے  سر  کی  قیمت  ایک  کروڑ  ڈالر  مقرر  کی گئی تھی۔
ملا  عمر  صوبہ زابل  کے  دارالحکومت  قلات  میں  ایک  خاندان  کے  ساتھ  ایک  کمپاؤنڈ  میں  رہے  لیکن  اس  کے  مکینوں  کو  بھی  اس   مہمان  کی   شناخت  کے  حوالے  سے  معلومات  نہیں  دی  گئی  تھی۔اس  کتاب  میں  بتایا  گیا  ہے  کہ  امریکی  فوجی  دو  مرتبہ   ملا  عمر  کے  قریب  پہنچے  لیکن  ان  کو  تلاش  نہ  کر پائے۔ 
ایک باروہ صحن میں تھے جب امریکی فوجیوں کا قافلہ ان کے قریب سے گزرا لیکن وہ لکڑیوں کے پیچھے چھپ گئے۔ دوسری بار  انھوں نے  اس  گھر  پر چھاپہ  مارا لیکن وہ  انھیں تلاش نہ  کر  پائے،  یہ  بات  واضح  نہیں  ہے  کہ آیا  یہ  معمول  کا  گشت  تھا  یا  کسی  نے  ان  کے  بارے  میں  معلومات  دی  تھی۔
سنہ  2004  میں  جب  لغمان  میں  امریکہ  نے  اپنا  فاروڈنگ  آپریٹنگ  بیس  بنانا  شروع  کیا  تو  ملا  عمر  نے  وہا ں  سے  جانے  کا  فیصلہ  کیا  اور  اس  کے  بعد  وہ   ایک  اور  جگہ  منتقل  ہوئے  جہا ں  سے  کچھ  ہی  فاصلے  پر  ایک  امریکی  اڈہ  تھا  جس  میں  ایک  ہزار  امریکی  فوجی تھے۔
کتاب میں بتایا گیا ہے کہ پکڑے  جانے  کے  خوف  کے  باوجود  ملا  عمر  نے  یہاں  سے  نہ  جانے  کا  فیصلہ  کیا ،  وہ  یہاں  بہت  کم  باہر  نکلتے  تھے  اور  امریکی  جنگی جہازوں  کے  آنے  سے  قریبی  سرنگ  میں  چھپ  جایا  کرتے  تھے۔
ہالینڈ  کے  صحافی  بٹے  ڈیم  کے  مطابق  کہ  ملا  عمر  اکثر  اپنے  محافظ  اور  باورچی  سے  بات  چیت  کرتے ،  نوکیا  کا  بغیر  سم  والا پرانا موبائل کے  استعمال  کرتے  اور  اس  میں  قرآنی  آیات  ریکارڈ  کرتے  تھے۔ملا  عمر  نے  سنہ  1996  سے  2001   تک  افغانستان  میں  حکومت  کی تھی۔سنہ  2001  کے  بعد  سے  موثر  طور  پر  انہوں  نے  افغان  طالبان  کی  قیادت  کی ،  ایسا  ظاہر  ہوتا  تھا  کہ  وہ  طالبان  کے  روحانی  پیشوا  یا  رہنما  ہوں۔افغان  طالبان  نے  ان  کی  موت  کی  خبر  کو  دو  برسوں  تک  خفیہ  رکھا تھا۔
 
 
 
 

شیئر: