Sorry, you need to enable JavaScript to visit this website.

خاتون کی گاڑی گڑھے میں گرنے پر تین انجینئر معطل

حادثے سے ہونے والے نقصان اور علاج کے اخراجات کے علاوہ ٹھیکیدار کمپنی پر جرمانہ بھی عائد کیا گیا ہے ( فوٹو: سبق)
ریاض میں خاتون کی گاڑی گڑھے میں گرنے کے واقعے پر میونسپلٹی نے ٹھیکیدار کمپنی کے خلاف تادیبی کارروائی کی ہے۔
 گاڑی خاتون ڈرائیور کے قابو سے باہر ہو کر گڑھے میں گری تھی جس کے باعث ڈرائیور سمیت تین خواتین زخمی ہوگئیں۔ گڑھے کے گرد حفاظتی باڑ نہ ہونے کے سبب سنگین حادثہ ہوا تھا۔
  • خود کو اپ ڈیٹ رکھیں، واٹس ایپ گروپ جوائن کریں
سبق ویب سائٹ کے مطابق ریاض میونسپلٹی نے حادثے کی تفتیش کے بعد ٹھیکیدار کمپنی میں کام کرنے والے تین انجینئروں سمیت منصوبے کے سپر وائزر کو معطل کر دیا ہے۔
میونسپلٹی نے ٹھیکیدار کمپنی کو حادثے کے باعث ہونے والے نقصان اور زخمیوں کے علاج پر ہونے والے اخراجات ادا کرنے کا پند بنایا ہے۔
میونسپلٹی نے کہا ہے کہ ’ٹھیکیدار کمپنی پرنقصانات کی ادائیگی کے علاوہ راہگیروں کی جان خطرے میں ڈالنے پر جرمانہ بھی عائد کیا گیا ہے‘۔
میونسپلٹی نے کہا ہے کہ ’ٹھیکیدار کمپنی کو چاہئے تھا کہ وہ سلامتی کے ضوابط کی پابندی کرتی، گڑھے کے گرد حفاظتی باڑ اور آگاہی بورڈ نصب کرتی مگر اس نے ایسا کچھ نہیں کیا‘۔
 

شیئر: